آذربایجانین بۇیۆک متفکرو هومانیست شاعرلرین طراوتدن دۆشمهین مصراعلاری ایسه بو گۆنده اۏز حکمتی و انسانپرورلیک روحو ایله دنیانین حیران قۏیور

آذربایجان خلقینین بشر مدنیتی خزینهسینه بخش ائتیگی تانینمیش ادبی شاعر نظامی گنجوی اۏلماز اثرلری ایله بۆتۆن دنیادا تانینمیشدیر اثر آذربایجان ادبیاتینین اوجا زیروهسینده دوران نظامی گنجوی صنعتی شاعرین XII اوز وطنینده دئییل اۏنون سرحدلریندن چۏخ -چۏخ اوزاقلاردان شهرت قازانمی وسئویلمیشدیر .نظامی گنجوینین آدی دنیا ادبیاتینین ان گورکملی سیمالاری سیراسیندا چکیلمیشدیر.آذربایجاندان دۏغان ابدیت گۆنشی اۏلان نظامی گنجوی بویۆک و زنگین میراثی ایله بۆتۆن بشریته مخصوص قدرتلی نادر استعداددیر.داهی آذربایجان شاعری نظامی گنجویده دانته سروانتس شکسپیر، ویکتور هوگو کیمی منسوب اۏلدوقلاری خلقین ملی افتخاری اۏلان صنعتکار اۇلماقلا برابر همده دنیا ادبیاتینین یۆکسک سوییه ده تمثیل ائتمیشدیر.آذربایجانین دنیا ادبیاتینا بخش ائتدیگی داهی صنعتکارلاردان بیری اۏلان نظامی گنجوینی بیزدن اوزون زامان آییرسا دا اۏنون میراثی همیشهیاشاردیر. بدیع و فلسفی تفکرۆمۆزۆن نورلو ادبیاتینی یارادان ادبی شخصیتیمیز اۏلان نظامی گنجوی دنیا ادبیاتیندا یئنی بیر مرحله آچمیش، یاخین و اۏرتا شرق خلقلرینین بدیع، استاتیک ،فلسفی،ریاضی تفکر طرزینی معینلشدیرمیشدیر. نظامی اۏدونهمین بۆتۆن علم ساحهلرینی دریندن اویرنرک ابن سینا، ابوریحان بیرونی کیمی دوورون بویۆک ائنسیکلۏپدیستلریندن بیری اۏلموشدور.

کلیدواژه ها:

نظامی ، داهی متفکر ، ابدیت خزینهسی ، شرق ، داهی شخصیت