بۆچوونێکی نوێ لەسەر سەرەتای شیعری نوێی کوردی: دوکتۆر لویس ئۆلسن فاسووم وەک پێشەنگ

گەرچی توێژینەوەکان جەخت لەسەر ئەوە دەکەنەوە که شیعری نوێی کوردی له دەیەی دووهەم و سێهەمی سەدەی بیستەمدا و به ڕوانینێکی وردتر له ساڵی ۱۹۱۸ بەم لاوه له دەڤەری سلێمانی و لە سەر دەستی شاعیرانێک وەک شێخ نووری شێخ ساڵح و پاشان گۆران چەکەره و گەشەی کردووه، بەڵام له ڕاستیدا دەکرێت تەنانەت بەر لە پشکووتنی سەدەی بیستەم هەندێ ڕەگەزی تازەبوونەوه له شیعری شاعیرانێکی وەک حاجی قادردا بەدی بکەین. ئەوەی ئەم لێکۆڵینەوەیه بریارە به شێوازێکی شیکارانه و بەپێی لێکدانەوەی بەڵگەکان لە سەری بڕوات، ئەو بابەتەیە که له ڕاستیدا پێشتر لە ساڵی ۱۹۱۸ له شوێنێکی تر و کەسێکی تر دەستی داوەته نوێ کردنەوەی شیعری کوردی؛ ئەویش قەشەیەکی ئەمریکی-نۆروێژییه به ناوی لویس ئۆلسن فاسووم که ساڵی ۱۹۱۲ له مەهاباد بەرهەمێکی له چاپ داوه کە هەندێ شیعری کوردی به شێوازی نوێ و لەسەر کێشی پەنجەیی تێدا بەدی دەکرێت.

کلیدواژه ها:

شیعری نوێی کوردی ، سەرهەڵدان ، تازەبوونەوه ، پێشەنگی شیعری نوێ ، لویس ئۆلسن فاسووم