جهێ نیشانەیێن نەرێ کرنێ ل دویڤ تاف و ڕێژەیان د زمانێ کوردی، گۆڤەرا بەهدینیدا

چاوگ (ناڤێ کاری) ب ژێدەرێ دروستبوونا کاری دهێتە نیاسین. کار وەکو پێکهێنەکێ سەرەکی و دەستهەلاتدار د ڕستەیا زمانێ کوردیدا، دشێت گەلەک نیشانەیێن جوداجودا وەربگریت، وەکی: ڕێژە، نەرێکرن و تاف هتد. دەربارەی ڕێژەیێن کاری، د زمانێ کوردیدا سێ ڕێژەیێن کاری هەنە، ئەوژی: ڕێژەیا ڕاگەهاندنێ ، کو پرانیا ڕستەیێن زمانێ کوردی د ئەڤێ ڕێژەیێدانە. ڕێژەیا دانانی ئەو ڕێژەیە، کو ئەنجامدانا کاری یان ئەنجام­نەدانا کاری ب دروستی دیار ناکەت، بەلکو کاری ب شێوەیێ خۆزی و هیڤی و گومانێ ددەتە دیارکرنێ . ڕێژەیا فەرمانێژی ئەو ڕێژەیە، کو ئاخڤتنکەر تێدا فەرمانەکێ ل گوهداری دکەت بۆ جێبەجێ­کرن یان جێبەجێ­نەکرنا کارەکی. نیشانێن نەرێ­کرنێ د زمانێ کوردی-گۆڤەرا بەهدینیدا ل دویڤ تاف و ڕێژەیا کاری دهێتە گوهۆڕین، د گۆڤەرا بەهدینیدا دوو نیشانەیێن نەرێ­کرنێ هەنە، ئەوژی: نیشانەیا نەرێ­کرنێ (نە) و (نا)یە، ئەو نیشانێن ڕێزمانینە، کو کاری د دوخێ نەرێدا دیار دکەن. نیشانا (نە) لگەل کارێن بوریێن ڕێژەیا ڕاگەهاندنێ و ڕێژەیا دانانی دهێت و لگەل کارێ نەبوریێ ڕێژەیا دانانی و ڕێژەیا فەرمانێژی دهێت. نیشانا (نا) لگەل کارێ نەبوریێ ڕێژەیا ڕاگەهاندنێ بکاردهێت. ئەگەر کار سادە بت نیشانەیا نەرێ­کرنێ ل دەستپێکا کاری دهێت و ئەگەر کار دارژتی یان لێکدای بت دکەڤیتە پشتی پارچا ئێکێیا کاری. ب تنێ د تافێ دهێتدا نیشانەیا نەرێ­کرنێ (نا) جهێ (دێ ) دگریت و هەردەم ل دەستپێکا کاری دهێت.

کلیدواژه ها:

نەرێکرن ، ڕێژە ، ڕێژا ڕاگەهاندنێ و ڕێژا فەرمانێ